Osmani:Fëmijët do ta kenë vëmendjen tonë të plotë

18:56 | 1 Qershor 2021
Përparim Bublaku

Presidentja e Kosovës, Vjosa Osmani, ka thënë jo çdo fëmijë është i lumtur si më 1 qershor në Ditën Ndërkombëtarë të tyre.

Por ajo ka thënë se do të angazhohen për kushte më të mira për fëmijët.

Osmani në një postim në Facebook ka shkruar se fëmijët do ta kenë vëmendjen e plotë të institucioneve.

Postimi i plotë i saj:

Me vizatim, muzikë, e vallëzim, por mbi të gjitha, me shumë fytyra të buzëqeshura, e shënuam sot Ditën Ndërkombëtare të Fëmijëve.
Së bashku me Kryetarin e Kuvendit të Kosovës z. Glauk Konjufca, i kemi hapur dyert e Kuvendit dhe të Presidencës për dhjetëra fëmijë. Përveç̧ se ndanë me ne pak nga bota e tyre, ata e shijuan pamasë prezencën e njëri tjetrit dhe dashurinë e dashamirësinë̈ që ndjehej në çdo cep.
Jo çdo ditë është e tillë për ta, e po ashtu, jo çdo fëmijë përjeton rregullisht kaq shumë gëzim e hare. Varfëria te fëmijët, mbrojtja sociale e tyre, investimi në rritjen e cilësisë në arsim, si dhe në zhvillimin e edukimit të hershëm dhe parandalimi i dhunës ndaj fëmijëve, janë çështje të cilat kanë nevojë për vëmendjen tonë të plotë. Këto çështje do ta kenë vëmendjen tonë të plotë – Fëmijët do ta kenë vëmendjen tonë të plotë!
Po ashtu, së bashku me Kryeministrin, z. Albin Kurti, iu bashkëngjitëm fushatës “Bëhu mburoja ime”, të organizatës HANDIKOS, e cila ka për qëllim të promovojë raportimin e dhunës ndaj fëmijëve.
Do të vazhdojmë me takime, mbështetje të kampanjave, e aktivitete të tilla, deri kur vizatimi, muzika, vallëzimi e buzëqeshja të jenë pjesë e përditshmërisë së çdo fëmije në vendin tonë! Ky është vetëm fillim./arbresh.info/